أول دفعة
خلّصنا أول دوراتنا مع أول مجموعة من أصحاب المشاريع من ذوي الإعاقة: تدريب المهارات النفسية، وتدريب ريادة الأعمال. وهلأ بنشتغل معهم على مشاريعهم، خطوة خطوة.
رسن شركة أردنية بتشتغل على تمكين الأشخاص ذوي الإعاقة نفسيًا واقتصاديًا، وعلى توعية المجتمع كله. بنبلّش معك من الثقة بالنفس، وبنوصل معك لشغل، أو مشروع بيجيب دخل، أو مقعد مدرّب بشبكتنا. وكل هاد مجاني إلك بالكامل.
بالأردن، من عمر 5 سنين وفوق، عنده صعوبة بوظيفة يومية وحدة على الأقل. بتختلف من بسيطة لشديدة.
دائرة الإحصاءات العامة، تعداد 2015بس من الأشخاص ذوي الإعاقة بعمر الشغل عندهم شغل حول العالم، مقابل 56% من غيرهم.
الأمم المتحدة، تقرير الإعاقة والتنمية 2024نسبة بتوصلها الشواغر اللي لازم تتخصص للأشخاص ذوي الإعاقة بالشركات اللي فيها أكثر من 50 موظف.
قانون 20 لسنة 2017، المادة 25خلّصنا أول دوراتنا مع أول مجموعة من أصحاب المشاريع من ذوي الإعاقة: تدريب المهارات النفسية، وتدريب ريادة الأعمال. وهلأ بنشتغل معهم على مشاريعهم، خطوة خطوة.
موقعنا مبني من أول يوم لكل أنواع الإعاقات: قارئ شاشة، تكبير خط، تباين عالي، تباعد مقروء، وتقليل حركة. وبنستهدف المستوى AAA من معايير الوصولية.
وكالة الأنباء الأردنية (بترا) كتبت عن رسن ومساراتها لتمكين الأشخاص ذوي الإعاقة، بآب 2026.
عشان هيك نص شغلنا توعية. كل يوم ريل على إنستغرام وفيسبوك عن معلومة أو موقف بنعيشه، وكل يوم مقال بالعمق على مدونتنا، وتدريب للشركات على التعامل والدمج. بلغة الناس، وبدون شفقة، وبمصادر.
مشاهدة لريلزنا على إنستغرام.
مشاركة لريل واحد عن زواج الأشخاص ذوي الإعاقة.
ريل جديد، ومقال جديد على المدونة.

+49 ألف مشاهدة


+29 ألف مشاهدة · +1,200 مشاركة

+24 ألف مشاهدة
صانع محتوى وبدك تعمل وعي معنا؟ إنت بتصوّر، وإحنا بنساعد بالمعلومة والمونتاج. احكي معنا على info@rasan.info.
جلسات فردية مع مرشد متخصص. بنبني الثقة، وبنعرف شو بتحب وشو بتقدر، وقديش إنت جاهز للخطوة الجاي.
ورش عملية: مهارات سوق العمل، نمذجة الأعمال، التواصل المهني، السيرة الذاتية، والتدرّب على المقابلات.
فريق رسن بيقعد معك وبيحدّد المسار الأنسب لقدراتك وطموحك. ما في عنّا طريق مسدود.
إذا عندك فكرة واقعية وجاهزية: تمويل عيني (مش كاش) للأصول والمعدات، ومتابعة شهرية 12 شهر لحد ما يصير مشروعك بيجيب دخل.
إذا عندك مهارة تواصل وبتحب التدريب: تأهيل مكثّف 12 أسبوع، وبعدها 65% من كل جلسة تدريب للشركات بتروح إلك.
إذا بتفضّل استقرار الوظيفة: إحالة مباشرة لشركات شريكة، و6 شهور دعم بعد ما تتعيّن.
بندرّب الشركات على ثقافة الدمج وعلى قانون 20 لسنة 2017، و75% من إيراد هالتدريب بيرجع مباشرة للأثر: للمدرّبين وللمستفيدين الجدد. يعني كل شركة بتتدرّب عنّا، بتفتح الباب لحدا جديد. وكثير من مدرّبينا هم نفسهم من ذوي الإعاقة، وبيحكوا من تجربتهم.
بعد التأهيل، كل واحد بيدخل مسار بيناسبه. ما حدا بينترك برّا المعادلة.
الأشخاص ذوي الإعاقة بيشاركوا بكل قرار مهم برسن.
تدريب الشركات هو المحرّك، مش التبرعات لحالها. هيك بيضل الشغل ماشي.

من مؤسِّسي رسن، وهي كفيفة. ناشطة بحقوق الأشخاص ذوي الإعاقة، وحكت قصتها على منصة TEDx سنة 2020. بتحكي عن الإعاقة من جوّا، مش من بعيد.

الشريك المؤسِّس والرئيس التنفيذي للتقنية برسن، ومؤلف. قصته مع سارة بلّشت سنة 2018، لما برمج معها تطبيق بيتعرّف على العملة للمكفوفين.
مش ضيف. مش حالة. مش قصة حزينة. إنت صاحب البيت… والباب مفتوح، والقهوة عالنار.
إيميل: info@rasan.info
تلفون: +962 7 9696 0962
إنستغرام: @rasan_jo · فيسبوك: rasan.jo